10 Rs And 20 Rupees Note And Coin Valid Government Clarification : सध्या सोशल मीडियावर ₹10 आणि 20 रुपयांच्या नाण्यांबाबत अनेक अफवा पसरत आहेत. अनेक दुकानदार ही नाणी स्वीकारण्यास नकार देत आहेत, ज्यामुळे सामान्य नागरिकांमध्ये संभ्रम निर्माण झाला आहे. मात्र, या संदर्भात केंद्र सरकारने लोकसभेत दिलेल्या अधिकृत उत्तरामुळे आता परिस्थिती स्पष्ट झाली आहे.
सरकारचा स्पष्ट संदेश: ₹10 आणि ₹20 च्या नोटा व नाणी पूर्णपणे वैध
लोकसभेत एका प्रश्नाला उत्तर देताना अर्थ मंत्रालयाने सांगितले की, ₹10 आणि ₹20 दोन्ही मूल्यांच्या नोटा व नाणी आजही पूर्णपणे वैध असून बाजारात प्रचलनात आहेत. त्यामुळे कोणत्याही नागरिकाने किंवा दुकानदाराने त्यांना नाकारू नये.
₹10 च्या नोटा आणि नाण्यांची माहिती
₹10 नोटांची एकूण संख्या: 2,52,886 लाख
एकूण मूल्य: ₹25,289 कोटी
₹10 नाण्यांची एकूण संख्या: 79,502 लाख
एकूण मूल्य: ₹7,950 कोटी
₹20 च्या नोटा बंद झाल्या का? जाणून घ्या सत्य
लोकसभेत याबाबत विचारण्यात आले असता, सरकारने स्पष्टपणे सांगितले की ₹20 च्या नोटांची छपाई थांबवण्याचा कोणताही निर्णय घेण्यात आलेला नाही. म्हणजेच, ₹20 च्या नोटा व नाणी दोन्ही आजही वैध आहेत आणि त्यांचा वापर करणे पूर्णतः कायदेशीर आहे.
₹20 च्या नाण्याची वैशिष्ट्ये
आकार: 12 बाजू असलेला बहुभुज
वजन: 8.54 ग्रॅम
व्यास: 27 मिमी
साहित्य: बाह्य भाग निकेल सिल्व्हर, अंतर्गत भाग निकेल ब्रास
डिझाइन: समोरील बाजूस अशोक स्तंभ व ‘सत्यमेव जयते’, बाजूंना ‘भारत’ आणि ‘India’, व पाठीमागे अन्नधान्याची आकृती
सरकारच्या या स्पष्टीकरणानंतर नागरिकांनी अशा अफवांवर विश्वास ठेवू नये आणि सर्व दुकानदारांनी ₹10 आणि ₹20 च्या नोटा व नाणी स्वीकाराव्यात, असे आवाहन करण्यात आले आहे.
🔴 हेही वाचा 👉 केंद्र सरकारी कर्मचाऱ्यांसाठी मोठी बातमी; मूळ पगार ₹१८,००० वरून थेट ₹५१,४८० पर्यंत.
