मुंबई | २७ मे २०२५ : 11th Admission Maharashtra 2025 Registration — राज्यभरातील विद्यार्थी आणि पालकांसाठी महत्त्वाची बातमी. इयत्ता ११वी (FYJC) प्रवेश प्रक्रियेच्या पहिल्याच दिवशी तब्बल २,५८,८८७ विद्यार्थ्यांनी ऑनलाइन नोंदणी पूर्ण केली आहे.
९ हजारांहून अधिक महाविद्यालये, १८ लाखांहून अधिक जागा
या वर्षीच्या प्रवेश प्रक्रियेसाठी ९,३३८ महाविद्यालये सहभागी झाली असून, ‘CAP’ (Centralized Admission Process) अंतर्गत एकूण १८,७४,९३५ जागा उपलब्ध आहेत. विद्यार्थ्यांना त्यांच्या पसंतीनुसार कमाल १० उच्च माध्यमिक विद्यालये निवडण्याची मुभा आहे.
महत्त्वाच्या तारखा आणि प्रक्रिया
ऑनलाइन नोंदणी पोर्टल २६ मेपासून सुरू झाले आहे.
विद्यार्थ्यांनी ऑनलाइन अर्ज भरताना पसंतीक्रम काळजीपूर्वक द्यावा.
प्रवेश गुणवत्ता गुण, प्राधान्यक्रम आणि आराखडा यावर आधारित असेल.
५ जून २०२५ रोजी तात्पुरती सर्वसाधारण प्रवेश यादी प्रसिद्ध केली जाणार आहे.
विद्यार्थ्यांसाठी महत्वाच्या सूचना:
संमती (consent) प्रत्येक फेरीत अनिवार्य आहे. अन्यथा पुढील फेरीस पात्रता मिळणार नाही.
संस्था अंतर्गत, व्यवस्थापन व अल्पसंख्याक कोट्यांचे प्रवेश रद्द करताना कार्यपद्धती समजून घेणे आवश्यक आहे.
प्रथम फेरीत प्रवेश न मिळाल्यास पुढील फेरींमध्ये सहभागी होण्याची संधी असेल.
मार्गदर्शन आणि सहाय्यता केंद्रे
प्रवेश प्रक्रियेसाठी विभागीय शिक्षण उपसंचालक कार्यालयामार्फत प्रशिक्षण कार्यक्रम, तसेच जिल्हा व तालुका स्तरावर मदत केंद्रे उभारण्यात आली आहेत. अर्ज भरन्यासाठी किंवा कागदपत्र तपासणीसाठीच्या मदतीसाठी ही केंद्रे उपयुक्त ठरणार आहेत.
तांत्रिक अडचणीसाठी संपर्क करा:
सहाय्यता क्रमांक: ८५३०९५५५६४
ई-मेल: support@mahafyjcadmissions.in
विद्यार्थ्यांना व पालकांना योग्य माहिती घेऊन वेळेत अर्ज प्रक्रिया पूर्ण करण्याचे आवाहन करण्यात आले आहे.
🔴 हेही वाचा 👉 दररोज 10,000 रुपये कमावण्याची संधी देणारी सरकारी योजना! जाणून घ्या काय आहे ही योजना?.
