Canara Bank Minimum Balance Rule Change : सार्वजनिक क्षेत्रातील आघाडीच्या कॅनरा बँकेने आपल्या ग्राहकांसाठी मोठा दिलासादायक निर्णय घेतला आहे. १ जून २०२५ पासून, बचत खात्यांमध्ये न्यूनतम शिल्लक (Minimum Balance) न ठेवणाऱ्या खातेदारांकडून कोणताही दंड वसूल केला जाणार नाही, असा निर्णय बँकेने जाहीर केला आहे.
या निर्णयामुळे कॅनरा बँकेचे लाखो खातेदार मासिक सरासरी शिल्लक (AMB) ठेवण्याच्या अटीपासून मुक्त झाले असून, यामुळे आर्थिकदृष्ट्या अडचणीत असलेल्या ग्राहकांना मोठा दिलासा मिळणार आहे.
सर्व खात्यांवर नवा नियम लागू
हा नवा नियम सर्व प्रकारच्या बचत खात्यांवर लागू करण्यात आला आहे — मग ते रेग्युलर सेव्हिंग अकाउंट, सॅलरी अकाउंट, की एनआरआय अकाउंट असो. आता कोणत्याही खातेदाराला बॅलन्स कमी असल्यामुळे दंड भरावा लागणार नाही.
कॅनरा बँक ठरली देशातील पहिली सार्वजनिक बँक
या निर्णयासह कॅनरा बँक ही देशातील पहिली मोठी सार्वजनिक क्षेत्रातील बँक ठरली आहे जिने सर्व खातेदारांना झिरो बॅलन्स खात्याची सुविधा कायमस्वरूपी उपलब्ध करून दिली आहे.
मागील नियम काय होता?
यापूर्वी बँकेने शहरी शाखांसाठी ₹२,०००, अर्ध-शहरी शाखांसाठी ₹१,००० आणि ग्रामीण शाखांसाठी ₹५०० मासिक बॅलन्स शिल्लक ठेवणे बंधनकारक केले होते. जर खात्यात मिनिमम बॅलन्स शिल्लक ठेवला नाही तर दंड आकारण्यात येत होता.
हेही वाचा : मोफत शिलाई मशीन योजनेसाठी अर्ज सुरू? जाणून घ्या अर्ज प्रक्रिया, कागदपत्रे आणि पात्रता.
