Free Laptop Tablet Scheme Maharashtra Fact Check : तुमच्या व्हॉट्सॲप, फेसबुक किंवा यूट्यूबवर “बांधकाम कामगारांच्या मुलांना मिळणार मोफत लॅपटॉप आणि टॅबलेट” अशा आशयाची एक बातमी फिरत असेल. त्यात सांगितले जाते की 2025 पासून महाराष्ट्र शासन बांधकाम कामगारांच्या दोन मुलांना लॅपटॉप किंवा टॅब मोफत देणार आहे, अर्ज करण्यासाठीची अंतिम तारीख, पात्रता, कागदपत्रे आणि अगदी वेबसाइटची लिंकही दिली आहे. त्यामुळे अनेकांनी ही योजना खरी मानून अर्ज करण्याचा विचार सुरू केला आहे.
मात्र यामागे खरे काय आहे? ही योजना प्रत्यक्षात अस्तित्वात आहे का? की ही एक अफवा आहे? याची सविस्तर माहिती खाली दिली आहे.
Bandhkam Kamgar Free Laptop Yojana | नेमकी काय आहे व्हायरल बातमी?
बातमीत असे सांगितले जात आहे की बांधकाम कामगार कल्याण मंडळाचे सक्रिय कार्ड असलेल्या कामगारांच्या दोन मुलांना फ्री टॅब किंवा लॅपटॉप दिले जातील. पाचवी ते दहावी साठी टॅब आणि दहावी नंतरच्या शिक्षणासाठी लॅपटॉप. अर्जाची तारीख 1 जून 2025 ते 31 जुलै 2025 अशी नमूद आहे. त्यासाठी डोमिसाइल, गुणपत्रक, बँक पासबुक, कामगार कार्ड अशा कागदपत्रांची यादीही दिलेली आहे.
पडताळणी काय सांगते?
Bandhkam Kamgar Free Laptop Yojana या योजनेबाबत महाराष्ट्र शासनाच्या कोणत्याही अधिकृत संकेतस्थळावर किंवा कामगार कल्याण मंडळाच्या पोर्टलवर अशी कोणतीही योजना जाहीर करण्यात आलेली नाही. ना याचा उल्लेख कुठल्याही GR (शासन निर्णय) मध्ये आहे, ना महिला व बालविकास, ना कामगार विभागाच्या अधिकृत सोशल मीडिया हँडल्सवर.
याशिवाय, या योजनेच्या नावाने बनावट वेबसाइट्स तयार करून लोकांकडून KYC, बँक तपशील आणि ओटीपी घेतले जातात. ही एक फिशिंग स्कीम असू शकते जी तुमची वैयक्तिक माहिती चोरून तुमची आर्थिक फसवणूक करू शकते.
खोटी योजना कशी ओळखाल?
कोणताही अधिकृत GR किंवा सरकारी संकेतस्थळाचा उल्लेख नाही
बातम्या फक्त सोशल मीडियावर फिरतात, अधिकृत पोर्टलवर नाही
अर्ज प्रक्रिया खाजगी लिंकवर असते, जी .gov.in वर नाही
अर्जासाठी ‘लाइव्ह फोटो’, बँक पासबुक, आधार यासारख्या गोष्टी मागितल्या जातात
काय करावे?
- अशा कोणत्याही योजनेवर विश्वास ठेवण्याआधी ती सरकारी आहे की नाही याची पडताळणी करा.
- अधिकृत वेबसाइट म्हणजेच mahakamgar.maharashtra.gov.in किंवा mahabocw.in या संकेतस्थळांवर तपासणी करा.
- आपली वैयक्तिक माहिती, OTP, आधार क्रमांक अनोळखी वेबसाइट्सवर देऊ नका.
- अशा फसवणूक करणाऱ्या योजनेबाबत इतरांनाही सावध करा.
निष्कर्ष:
सध्या तरी महाराष्ट्र शासनाकडून “बांधकाम कामगारांच्या मुलांना मोफत लॅपटॉप व टॅब वाटप” यासारखी कोणतीही योजना जाहीर करण्यात आलेली नाही. त्यामुळे सोशल मीडियावर फिरणाऱ्या अशा बनावट माहितीकडे लक्ष न देता अधिकृत स्त्रोतांवरच विश्वास ठेवावा.
हेही वाचा : मोफत शिलाई मशीन योजना अर्ज प्रक्रिया सुरु.
