Free Laptop Yojana 2025 : सध्या सोशल मीडियावर आणि काही वेबसाइट्सवर मोफत लॅपटॉप योजना (Free Laptop Scheme 2025) नावाने एक योजना मोठ्या प्रमाणावर व्हायरल होत आहे. या योजनेनुसार, 10वी आणि 12वीत उत्तीर्ण विद्यार्थ्यांना सरकारकडून मोफत लॅपटॉप दिले जाणार असल्याचा दावा केला जात आहे. या योजनेसाठी अर्ज करण्यासाठी आधार कार्ड, मार्कशीट, जातीचा दाखला आणि उत्पन्न प्रमाणपत्र लागणार असल्याची माहितीही प्रसिद्ध झाली आहे. काही वेबसाइट्सने या योजनेसाठी लिस्ट तपासण्याच्या आणि अर्ज करण्याच्या लिंकही शेअर केल्या आहेत.
मात्र या योजनेबाबत आम्ही विविध सरकारी स्त्रोतांमधून (जसे की केंद्र आणि राज्य सरकारच्या अधिकृत वेबसाइट्स, शिक्षण विभागाची माहिती, आणि प्रेस इन्फॉर्मेशन ब्युरो) माहिती पडताळली असता, “Free Laptop Yojana 2025” नावाची कोणतीही योजना सध्या सरकारकडून जाहीर करण्यात आलेली नाही, हे स्पष्ट झाले आहे.
कोण करत आहे फसवणूक?
या प्रकारच्या बातम्या फेक वेबसाइट्स आणि क्लिकबेट ब्लॉग्सद्वारे पसरवल्या जातात, ज्यांचा उद्देश आहे अधिकाधिक ट्रॅफिक मिळवणे किंवा लोकांकडून वैयक्तिक माहिती गोळा करणे. काही प्रकरणांमध्ये फसवणूक करणारे फेक वेबसाइट्सवरून अर्ज करण्यास सांगतात आणि त्यानंतर OTP, बँक माहिती किंवा अ‍ॅप डाऊनलोड करण्यासाठी प्रवृत्त करतात.
PIB आणि सरकारने काय सांगितले?
PIB Fact Check, केंद्र सरकारच्या अधिकृत पडताळणी यंत्रणेने याआधीही अशा “मोफत लॅपटॉप योजना” बाबत स्पष्टपणे सांगितले आहे की, अशी कोणतीही योजना सध्या अस्तित्वात नाही. कोणतीही योजना सुरू झाल्यास तिची माहिती संबंधित मंत्रालयाच्या अधिकृत वेबसाइटवर आणि अधिकृत माध्यमांतून दिली जाते.
नागरिकांनी काय काळजी घ्यावी?
कोणतीही योजना अधिकृत आहे का हे तपासण्यासाठी नेहमी सरकारच्या अधिकृत वेबसाइट्सवर तपासा (उदा. https://www.mygov.in, https://pib.gov.in).
अशा फसवणूक करणाऱ्या योजनांच्या नावाखाली कोणतीही वैयक्तिक माहिती शेअर करू नका.
अर्जाच्या नावाखाली कोणतेही शुल्क, KYC किंवा ओटीपी मागितला जात असेल तर तो फसवणुकीचा प्रकार असतो.
अशी फेक माहिती पसरवणाऱ्या वेबसाइट्सची तक्रार सायबर क्राइम पोर्टलवर (https://cybercrime.gov.in) करावी.
Free Laptop Yojana 2025 बद्दल सध्या सोशल मीडियावर पसरत असलेली माहिती पूर्णपणे खोटी आणि दिशाभूल करणारी आहे. सरकारने अशी कोणतीही योजना सुरू केलेली नाही. नागरिकांनी अशा अफवांपासून सावध राहून फक्त अधिकृत स्त्रोतांवरच विश्वास ठेवावा.
हेही वाचा : उरले फक्त 48 तास, लवकर करा तुमच आधार कार्ड अपडेट, अन्यथा भरावे लागेल शुल्क.
