Free Gas Cylinder Yojana : देशातील अनेक महिलांना आजही स्वयंपाकासाठी लाकूड, कोळसा, शेणाच्या गोवऱ्या यांसारख्या पारंपरिक इंधनांचा वापर करावा लागतो. यामुळे केवळ वेळ आणि श्रम अधिक लागत नसून त्यामुळे होणाऱ्या धुरामुळे महिलांना श्वासाशी संबंधित त्रास देखील होतात. हीच समस्या लक्षात घेऊन केंद्र सरकारने सुरू केलेली योजना म्हणजे (PM Ujjwala Yojana) प्रधानमंत्री उज्ज्वला योजना.
प्रधानमंत्री उज्ज्वला योजनेअंतर्गत केंद्र सरकार गरीब आणि गरजू महिलांना मोफत एलपीजी गॅस कनेक्शन देते. आतापर्यंत देशभरातील लाखो महिलांनी या योजनेचा लाभ घेतला आहे. परंतु, अजूनही अनेक महिलांना याबाबतची माहिती नाही किंवा पात्रता आणि अर्ज प्रक्रियेबाबत स्पष्टता नाही. म्हणूनच आज आपण जाणून घेणार आहोत की कोणत्या महिलांना या योजनेचा लाभ मिळू शकतो आणि अर्ज करताना कोणती कागदपत्र आवश्यक आहेत.
पिएम उज्ज्वला योजनेसाठी कोण पात्र आहे?
पिएम उज्ज्वला योजनेचा लाभ केवळ महिलांनाच दिला जातो. पुरुष अर्जदार या योजनेसाठी पात्र नाहीत. त्याचबरोबर ही योजना फक्त अशा महिलांसाठी आहे ज्या गरीबी रेषेखालील (BPL) कुटुंबात राहतात. महिला अर्जदाराचे वय कमीत कमी 18 वर्षे असावे आणि त्यांच्या घरात यापूर्वी कोणताही एलपीजी कनेक्शन नसावा, ही मुख्य अट आहे.
PM Ujjwala Yojana आवश्यक कागदपत्रे
योजनेचा लाभ घेण्यासाठी खालील कागदपत्र आवश्यक आहेत:
आधार कार्ड
पत्ता पुरावा (Address Proof)
शासकीय मान्यताप्राप्त BPL रेशन कार्ड
बँक खाते तपशील (Bank Account Details)
ही सर्व कागदपत्र योग्य असल्यास महिलेला मोफत एलपीजी कनेक्शन दिल जात. त्याचबरोबर काही राज्यांमध्ये पहिल्या सिलेंडरच्या रिफिलवरही सूट दिली जाते.
अर्ज कसा करावा?
महिला www.pmuy.gov.in या योजनेच्या अधिकृत वेबसाइटवर जाऊन किंवा जवळच्या एलपीजी वितरक केंद्रावर जाऊन अर्ज करू शकतात. अर्जाची प्रक्रिया सोपी असून आवश्यक कागदपत्रांसह अर्ज भरल्यानंतर पुढील कार्यवाही वितरक केंद्र करते.
निष्कर्ष
पिएम उज्ज्वला योजना महिलांच्या आरोग्याचे आणि जीवनशैलीतील दर्जाचे संरक्षण करणारी महत्वाची योजना आहे. जर तुम्ही किंवा तुमच्या ओळखीत कोणी पात्र असेल, तर ही माहिती त्यांच्यापर्यंत जरूर पोहोचवा आणि त्यांना या योजनेचा लाभ घेण्याचा सल्ला द्या.
🔴 हेही वाचा 👉 शेतकऱ्यांची उत्सुकता शिगेला; खात्यात कधी जमा होणार 2000 रुपये? असे तपासा स्टेटस.
