Post Office MIS Monthly Income Scheme 2025 : जर तुम्ही दरमहा स्थिर आणि खात्रीशीर उत्पन्नाच्या पर्यायाच्या शोधात असाल, तर पोस्ट ऑफिसची मंथली इनकम स्कीम (MIS) तुमच्यासाठी योग्य ठरू शकते. एकदाच गुंतवणूक केल्यानंतर या योजनेअंतर्गत तुम्ही दरमहा ठराविक रक्कम व्याज मिळवू शकता. सरकारद्वारे चालवली जाणारी ही योजना 7.4% वार्षिक व्याजदरासह सुरक्षित परतावा देते.
ज्वाइंट व सिंगल अकाउंटचे फायदे
ज्वाइंट अकाउंट: जर एखाद्या जोडप्याने या योजनेत एकत्रितपणे १५ लाख रुपये गुंतवले, तर त्यांना दरमहा ₹9,250 व्याज, म्हणजेच दरवर्षी ₹1,11,000 मिळतात.
सिंगल अकाउंट: एका व्यक्तीने जर ९ लाख रुपये गुंतवले, तर त्याला दरमहा ₹5,550 व्याज, म्हणजेच वर्षाला एकूण ₹66,660 मिळतात.
गुंतवणुकीच्या अटी:
किमान गुंतवणूक: ₹1,000
गुंतवणूक फक्त ₹1,000 च्या पटीत
सिंगल अकाउंट: जास्तीत जास्त ₹9 लाख
ज्वाइंट अकाउंट: जास्तीत जास्त ₹15 लाख
योजना ५ वर्षांसाठी लागू, नंतर नवीन व्याजदराने वाढवता येते
MIS मध्ये गुंतवणुकीचे फायदे:
१००% सुरक्षित योजना — भारत सरकारची हमी
निश्चित दराने मासिक उत्पन्न
व्याजावर TDS लागत नाही
खाते कोणत्याही पोस्ट ऑफिसमध्ये मोफत ट्रान्सफर करता येते
एका व्यक्तीला अनेक खाती उघडता येतात
वेळेपूर्वी पैसे काढल्यास दंड
१ वर्षाआधी पैसे काढता येत नाहीत
१ ते ३ वर्षांत खाते बंद केल्यास मूळ रकमेवर २% दंड
३ ते ५ वर्षांदरम्यान बंद केल्यास मूळ रकमेवर १% दंड
उर्वरित रक्कम खात्यात परत दिली जाते
ही योजना कोणासाठी उपयुक्त आहे?
ही योजना नोकरी सोडलेले निवृत्त नागरिक, गृहिणी, फ्रीलान्सर्स व नियमित उत्पन्नाची गरज असलेल्यांसाठी अतिशय फायदेशीर आहे. कोणत्याही गुंतवणूकदाराला दरमहा मिळणाऱ्या उत्पन्नाची शाश्वती हवी असल्यास ही योजना उत्तम आहे.
हेही वाचा : बनावट नोटांचा धोका वाढला! ₹500 आणि ₹200 च्या नोटा स्वीकारण्यापूर्वी ‘ही’ महत्वाची माहिती नक्की वाचा.
