Mahila Samman Savings Scheme Details : महिलांच्या आर्थिक सक्षमीकरणासाठी केंद्र सरकार सातत्याने विविध योजना राबवत आहे. याचाच एक भाग असणारी ‘महिला सन्मान बचत पत्र योजना’ (Mahila Samman Bachat Patra Yojana) ही एक आकर्षक आणि सुरक्षित गुंतवणूक पर्याय म्हणून पुढे येत आहे. या योजनेचा उद्देश महिलांना बचतीची सवय लावणे आणि त्यांना आर्थिकदृष्ट्या सक्षम बनवणे हा आहे. विशेष म्हणजे ही योजना केवळ महिलांसाठी असून, पोस्ट ऑफिसच्या माध्यमातून संपूर्ण देशभरात सहज उपलब्ध आहे.
महिला सन्मान बचत पत्र योजनेत गुंतवणूक केल्यास महिलांना ७.५ टक्के वार्षिक व्याजदर मिळतो. गुंतवणुकीची मुदत फक्त दोन वर्षांची असून, बाजारातील चढ-उतारांचा या योजनेवर कोणताही परिणाम होत नाही. त्यामुळे ही योजना अत्यंत सुरक्षित मानली जाते. महिला या योजनेत किमान १,००० रुपये गुंतवू शकतात, तर जास्तीत जास्त २ लाख रुपये गुंतवण्याची मर्यादा आहे. इतकेच नव्हे तर या गुंतवणुकीवर आयकर कायद्यानुसार सेक्शन 80C अंतर्गत करसवलत मिळू शकते.
उदाहरणार्थ, जर एखाद्या महिलेने या योजनेत एकरकमी २ लाख रुपये गुंतवले, तर दोन वर्षांनंतर तिच्या खात्यात २,३२,०४४ रुपये जमा होतील. ही रक्कम खात्रीशीर असून कोणत्याही मार्केट रिस्कपासून पूर्णपणे मुक्त आहे.
या योजनेचा लाभ घेण्यासाठी इच्छुक महिलांनी जवळच्या पोस्ट ऑफिसमध्ये जाऊन अर्ज करावा. तेथे ‘महिला सन्मान बचत पत्र योजना’चा फॉर्म घेऊन तो आवश्यक कागदपत्रांसह भरून सबमिट करावा लागतो. ही संपूर्ण प्रक्रिया सोपी असून कोणत्याही एजंटची मदत न घेता स्वखर्चाने पार पाडता येते.
महिलांसाठी बचत आणि सुरक्षित भविष्यासाठी ही योजना एक उत्तम पर्याय आहे. कमी कालावधीत स्थिर आणि चांगला परतावा हवा असलेल्या महिलांसाठी ‘महिला सन्मान बचत पत्र योजना’ एक विश्वासार्ह पर्याय आहे.
हेही वाचा : आपल्या गावात पाऊस पडणार का? शेतकऱ्यांसाठी हवामान अंदाज आता घरबसल्या मोबाईलवर.
