PM Surya Ghar Yojana Free Electricity Benefits : भारत सरकारच्या (PM Surya Ghar Yojana) पिएम सूर्य घर योजनेअंतर्गत देशातील प्रत्येक घरात सौर ऊर्जा पोहोचवण्याचा प्रयत्न वेग घेत आहे. 2027 पर्यंत 10 कोटी घरांमध्ये सोलर पॅनल बसवण्याचे सरकारचे उद्दिष्ट असून ही योजना देशाच्या ऊर्जा स्वावलंबनासाठी ऐतिहासिक पाऊल मानली जात आहे.
1.5 कोटींहून अधिक घरांत सोलर रूफटॉप बसवले
फेब्रुवारी 2024 मध्ये सुरू झालेल्या या योजनेद्वारे 1.5 कोटींहून अधिक घरांमध्ये सौर प्रणाली बसवली गेली आहे. यामुळे दरवर्षी प्रत्येक घराला सरासरी ₹12,000 पर्यंत वीज बिलात बचत होत आहे.
78,000 रुपयांपर्यंत सब्सिडी; 300 युनिटपर्यंत मोफत वीज
सरकार 1 ते 3 किलोवॅट क्षमतेच्या सौर प्रणालीसाठी 30,000 रुपये ते 78,000 रुपयांपर्यंत सब्सिडी देते. त्याचबरोबर अनेक राज्यांमध्ये 300 युनिटपर्यंत वीज मोफत दिली जात आहे. याशिवाय, कमी व्याजदरात कर्ज आणि सुलभ हफ्ता योजनासुद्धा उपलब्ध आहे.
पर्यावरण संरक्षण आणि रोजगार निर्मितीला योगदान
या योजनेमुळे देशात आतापर्यंत 2.5 GW क्षमतेची सौर ऊर्जा निर्मिती झाली आहे, ज्यामुळे दरवर्षी 1.8 मिलियन टन CO₂ उत्सर्जनात घट झाली आहे. यामुळे भारताच्या 2030 पर्यंत 50% ऊर्जा गरजा नवीकरणीय स्रोतांतून भागवण्याचे लक्ष्य साध्य होण्यास मदत होईल.
तसेच, सोलर पॅनल उत्पादन, बसवणी आणि देखभाल या क्षेत्रांत 10 लाखांहून अधिक रोजगार निर्माण झाले आहेत. पुढील टप्प्यात 20 लाखांहून अधिक रोजगार निर्माण करण्याचे लक्ष्य आहे.
या योजनेसाठी अर्ज कसा करायचा?
पिएम सूर्य घर योजनेचा लाभ घेण्यासाठी नागरिकांनी अधिकृत वेबसाइट pmsuryaghar.gov.in वर जाऊन आपली माहिती भरावी व ऑनलाईन अर्ज करावा. पोर्टलवर अर्जाची स्थिती ट्रॅक करण्याचीही सुविधा आहे.
ग्रामीण भागातील प्रगती आणि आव्हाने
ग्रामीण भागातील अनेक कुटुंबांना या योजनेमुळे शिक्षण, आरोग्य आणि छोटे व्यवसाय सुरू करण्यास मदत झाली आहे. सरकार सतत जागरुकता मोहीम राबवत असून, स्वदेशी सोलर उपकरणे आणि बॅटरी स्टोरेज यंत्रणा वाढवण्यावरही भर देत आहे.
हेही वाचा : 2000 रुपये कधी जमा होणार? सरकारच्या घोषणेकडे शेतकऱ्यांचे लक्ष.
