PPF Investment Calculator Returns 2025 : भविष्याचा आर्थिक आधार मजबूत करण्यासाठी, कमी जोखमीची आणि सुरक्षित गुंतवणूक योजना शोधणाऱ्या सर्वसामान्य नागरिकांसाठी सार्वजनिक भविष्यनिर्वाह निधी योजना (PPF) हा एक उत्तम पर्याय आहे. ही केंद्र सरकारची दीर्घकालीन बचत योजना असून, यात दरमहा थोडी थोडी रक्कम गुंतवून, भविष्यात मोठा निधी मिळवता येतो. विशेषतः ही योजना SIP (Systematic Investment Plan) पद्धतीसारखी कार्य करते आणि सध्या या योजनेवर 7.1 टक्के वार्षिक व्याजदर लागू आहे.
सार्वजनिक भविष्यनिर्वाह निधी योजनेत गुंतवणूक करणाऱ्याला 15 वर्षांची कालमर्यादा पूर्ण केल्यानंतर मोठा परतावा मिळतो. गुंतवणूकदार दरमहा किती रक्कम गुंतवतो यावर आधारित, अंतिम निधी वेगवेगळा असतो. उदाहरणार्थ, जर एखाद्याने दरमहा फक्त 3,000 रुपये गुंतवले, तर 15 वर्षांनंतर त्याला जवळपास 9.76 लाख रुपये मिळतात. यामध्ये 5.4 लाख रुपये मूळ गुंतवणूक असते, तर उर्वरित 4.36 लाख रुपये व्याजातून मिळतात.
जर दरमहा गुंतवणूक 5,000 रुपये असेल, तर 15 वर्षात जमा रक्कम 9 लाख होते. यावर 7.1 टक्के दराने मिळणाऱ्या व्याजामुळे, एकूण 16.27 लाख रुपयांचा निधी तयार होतो, म्हणजेच जवळपास 7.27 लाख रुपयांचा नफा मिळतो.
त्याचप्रमाणे, जर गुंतवणूक 10,000 रुपये प्रति महिना असेल, तर 15 वर्षांत मूळ रक्कम 18 लाख होते. या गुंतवणुकीवर 7.1% वार्षिक व्याजामुळे 32.54 लाख रुपयांचा फंड तयार होतो, ज्यामुळे एकूण 14.54 लाख रुपयांचा अतिरिक्त फायदा मिळतो.
PPF खाते उघडण्यासाठी कोणताही भारतीय नागरिक पोस्ट ऑफिस किंवा मान्यताप्राप्त बँकेत अर्ज करू शकतो. खाते स्वतःच्या किंवा आपल्या मुलाच्या नावावर उघडता येते. खाते उघडण्यासाठी आधार कार्ड, पॅन कार्ड, पत्त्याचा पुरावा, पासपोर्ट साइज फोटो आणि नामनिर्देशन फॉर्म ही आवश्यक कागदपत्रे लागतात.
PPF योजनेची आणखी एक खास बाब म्हणजे, 15 वर्षांची मुदत पूर्ण झाल्यानंतरही ती 5-5 वर्षांसाठी वाढवता येते. आपण इच्छेनुसार गुंतवणूक चालू ठेवू शकता किंवा गुंतवणूक न करता देखील फक्त व्याजावर योजना चालू ठेवू शकता. अशा वेळी अंतिम शिल्लक रकमेवर दरवर्षी 7.1 टक्के व्याज मिळत राहते.
तर थोडक्यात सांगायच झाल, तर PPF योजना ही कमी उत्पन्न असलेल्या व्यक्तींसाठीही अत्यंत फायदेशीर योजना असून, नियमित आणि शिस्तबद्ध गुंतवणुकीद्वारे दीर्घकालीन आर्थिक स्थैर्य मिळवण्याचा हा एक उत्तम मार्ग आहे.
हेही वाचा : PF चे पैसे कधीपासून ATM व UPI द्वारे काढता येणार? EPFO चा मोठा निर्णय.
