Lakhpati Didi Yojana Benefits Registration Documents : भारत सरकारने सुरू केलेली ‘लखपती दीदी योजना’ ही ग्रामीण भागातील महिलांना आत्मनिर्भर बनवण्यासाठी एक प्रभावी योजना ठरत आहे. या योजनेच्या माध्यमातून महिलांना व्यावसायिक कौशल्य प्रशिक्षण दिले जाते आणि स्वतःचा व्यवसाय सुरू करण्यासाठी कर्जाची सुविधाही दिली जाते. या योजनेचा उद्देश म्हणजे ग्रामीण भागातील महिलांना आर्थिकदृष्ट्या सक्षम करणे आणि त्यांना ‘लखपती’ बनवणे.
लखपती दीदी योजना काय आहे?
लखपती दीदी योजना ही केंद्र सरकारच्या महिला सक्षमीकरण कार्यक्रमाचा एक भाग आहे. या योजनेअंतर्गत महिलांना खालील सुविधा मिळतात:
व्यावसायिक कौशल्य प्रशिक्षण
स्वतःचा व्यवसाय सुरू करण्यासाठी ₹५ लाखांपर्यंत व्याजमुक्त कर्ज
स्वयं-सहायता समूह (Self Help Group – SHG) च्या माध्यमातून मार्गदर्शन
या योजनेचा लाभ घेण्यासाठी महिलांनी सर्वप्रथम स्वयं-सहायता समूहात सामील होणे आवश्यक आहे. यानंतर त्यांना कौशल्य प्रशिक्षण दिले जाते आणि एक व्यवसाय योजना तयार करण्यास मदत केली जाते.
लखपती दीदी योजनेसाठी अर्ज कसा करावा?
- SHG सदस्य: सर्वप्रथम महिलांनी एखाद्या अधिकृत स्वयं-सहायता समूहात नावनोंदणी करावी.
- प्रशिक्षण: समूहामार्फत महिलांना विविध व्यवसायिक कौशल्यांमध्ये प्रशिक्षण दिले जाते.
- व्यवसाय योजना: प्रशिक्षण पूर्ण झाल्यानंतर महिलांनी एक व्यवसाय योजना तयार करावी.
- अर्ज प्रक्रिया: ही योजना SHG मार्फत सरकारकडे पाठवली जाते आणि संमती मिळाल्यानंतर ₹५ लाखांपर्यंत कर्ज मंजूर होते.
आवश्यक कागदपत्रे
लखपती दीदी योजनेत सहभागी होण्यासाठी महिलांकडे खालील कागदपत्रे असणे आवश्यक आहे:
आधार कार्ड
पॅन कार्ड
उत्पन्नाचा पुरावा
बँक पासबुक
पासपोर्ट साईज फोटो
मोबाइल क्रमांक
ही कागदपत्रे पूर्ण नसल्यास अर्ज रद्द होऊ शकतो, म्हणून अर्ज करताना सर्व माहिती अचूक असणे आवश्यक आहे.
लखपती दीदी योजना ही ग्रामीण भागातील महिलांना रोजगाराच्या संधी निर्माण करून त्यांना आत्मनिर्भर बनवण्यासाठी केंद्र सरकारची महत्वाकांक्षी योजना आहे. व्यावसायिक प्रशिक्षण, कर्जसहाय्यता आणि SHG च्या माध्यमातून महिलांना स्वतःचा व्यवसाय सुरू करण्याची संधी मिळते. ही योजना महिलांच्या आर्थिक सक्षमीकरणासाठी एक आशादायक पाऊल आहे.
हेही वाचा : मिळवा दर महिन्याला ५ हजार रुपये पेन्शन, जाणून घ्या कशी.
